NIJS 11-04-2006
Grutte ferbrâningsoven De Wierde past net yn de FNP-fisy fan minder groei en mear kwaliteit
Der gong al in pear moanne praat fan plannen fan Omrin (It eardere Afvalsturing Friesland) om in grutte ferbrâningsoven te bouwen by De Wierde yn Aldehaske. FNP en ChristenUnie hiene krekt besletten om der fragen oer te stellen oan B&W, doe 't der ferhalen oer yn de krante kamen.
De gemeenteriedsleden wisten dus fan neat. It kolleezje fan B&W seit dat se ek fan neat wisten. Dat is op himsels al frjemd want Omrin praat al in skoft op fertroulike basis mei Doarpsbelangen en omwenjenden.
Der gong al in pear moanne praat fan plannen fan Omrin (It
eardere Afvalsturing Friesland) om in grutte ferbrâningsoven te bouwen
by De Wierde yn Aldehaske. FNP en ChristenUnie hiene krekt besletten om
der fragen oer te stellen oan B&W, doe 't der ferhalen oer yn de
krante kamen.
De gemeenteriedsleden wisten dus fan neat. It kolleezje fan B&W
seit dat se ek fan neat wisten. Dat is op himsels al frjemd want Omrin
praat al in skoft op fertroulike basis mei Doarpsbelangen en
omwenjenden. De gemeente is oandielhâlder fan Omrin en de wethâlder fan
miljeu hat sit yn it bestjoer fan de Omrin. It is tige ûnfatsoenlik fan
de direksje fan Omrin tsjinoer it gemeentebestjoer harren net foarôf te
ynformearjen. Mar hoe dan ek, no 't it nei bûten kommen is, komme
B&W net fierder as "wij zijn zeer terughoudend". Spitich dat it
kolleezje net daliks dúdlik nee sein hat en de ynwenners de earste klap
opheine lit.
It past yn alle gefallen net yn de FNP-fisy fan kalm oan mei de groei en stribje nei mear kwaliteit.
Wêrom soe it moatte?
It is wier dat der op 't heden temin ferbrâningskapasiteit yn Nederlân
is. Dêr stiet tsjinoer dat der no ek al útwreidingsplannen lizze foar
sa'n 3 miljoen ton. Dy plannen sille wol net allegear trochgean, mar de
200.000 ton dy't Omrin dan sels ferbrâne wol, moat dêr wol yn te passen
wêze. It kapasiteit tekoart is boppedat yn it Noarden lang net sa
knipend as yn it Westen. Oant no ta bringt Omrin it ôffal dat ferbrând
wurde kin nei Wijster. Datselde Wijster stiet op it punt om mei de
MER-prosedueres te begjinnen foar in útwreiding fan sa'n 200.000 ton.
Se kinne dan oer in pear jier útwreidzje, mar se binne der sels noch
net wis fan at se dat dan dwaan wolle. Fierder lizze der plannen foar
Coevorden en Delfzijl. Dat is net flakby, mar Omrin hellet sels ek al
in part fan it ôffal út dy provinsjes.
Modernisearring fan De Wierde wie bedoeld om minder te ferbrânen.
De fernijingen fan De Wierde ta Ekopark, mei ûnder oaren de
skiedingsynstallaasjes, wienen bedoeld om folle minder ôffal oer te
hâlden foar ferbrâning. It is frjemd om dan no mei it plan te kommen om
sels op de Wierde ferbrâne te wollen.
It kin ek gjin kwea om efkes weromsjogge yn de histoarje. Yn de jierren
doe't Omrin as gearwurkingsorgaan fan de Fryske gemeenten noch OLAF
hjitte, hat se har swier fertild oan grutte projekten. De eksploitaasje
en de sanearring fan de ferbrâningsoven yn Ljouwert hat noch lang
miljoenen koste. De gemeenten hawwe har doe foarnommen om nea wer oan
risikofolle grutte projekten mei te dwaan. Omrin mei dan no mear
privatisearre wêze, mar de gemeenten hawwe der noch wol direkt mei te
krijen.
It is noch net safier
Omrin is sels ek noch net wis fan de needsaak fan in eigen ferbrâning.
It is ien fan de opsjes en dy kin lein wurde nêst de mooglikheden fan
kontrakten of gearwurkjen mei oaren. Meidwaan yn de útwreiding fan
Wijster liket dan it meast logyske. Wijster is fan Essent, dus dat sit
mei de enerzjywinning ek wol goed en it is gjin ûnbekende foar ús.
Lit dy piip fan 80 meter (4 x sa heech as de bult) dan mar moai oan De Wierde foarby gean!
Tags:
Algemien
MEAR OER DIT ÛNDERWERP
Frysk 
Nederlands
