De ried hat reserves oangeande it plan fan 25 apparteminten. Alle beswieren (ek fan omwenners, pleatslik belang en Hûs en Hiem) giene oer it ‘bouwvolume', dus oer de omfang fan it gebou. De ried frege derom it Kolleezje yn de persoan fan wethâlder De Jong om wer yn petear te gean mei de inisjatyfnimmer en dêrby omwenners, pleatslik belang, Hûs en Hiem en eventueel oare belangstellenden te belûken. En om sa in breed droegen plan te meitsjen wêr't de Balksters grutsk op wêze sille.
 |
De wethâlder reagearre wat kiezzich. Hy ferwiet de ried te min each te hawwen foar de kwaliteit fan dit plan. Der is mear as allinne de hichte, it giet foaral om ritme, yndieling, kleur en útstrieling fan it gebou, sa sei er. Roppe dat der in ferdjipping ôf moat is fierstente koart troch de bocht, neffens de wethâlder. Boppedat moat it in oantreklik gehiel wurde mei it plein.
Uteinlik die de wethâlder de tasizzing om wer yn petear te gean. En net om te sykjen nei draachflak foar dit plan, mar om te sykjen nei in plan wêr't draachflak foar is.
Frysk 
Nederlands
